Аллаһтың атымен, Аса Мейірімді, ерекше Рахымды!

Біз, AJR Шариғат кеңесінің мүшелері, «AJR бөліп төлеу» өнімі AJR платформасында жүзеге асырылатынын және ол ислам шариғатына толықтай сәйкес келетінін, Мурабаха (Murabaha) шарты негізінде құрылғанын растаймыз.

Өнім сипаттамасы
«AJR бөліп төлеу» өнімі AJR компаниясы бұрыннан иелік ететін тауарлар мен қызметтерді бөліп төлеу шартымен (Мурабаха) клиентке сатуды көздейді.

Негізгі ерекшеліктері:

• Барлық ұсынылатын тауарлар мен қызметтер келісім жасалған сәтте AJR меншігінде болады;
• Клиент қолжетімді тізімнен қалаған тауарды немесе қызметті таңдайды және толық құны мен төлем кестесі көрсетілген Мурабаха келісіміне қол қояды;
• Келісімді іске қосу үшін клиент бастапқы төлем ретінде құнының кемінде 20% мөлшерінде жарна төлейді;
• Қалған сома келісілген мерзім ішінде тең бөліктермен төленеді.


Шариғаттық бағалау
Іскерлік процесті, келісім шарттарын және рәсімдерін талдау негізінде бұл өнім келесі ислам талаптарына сай деп танылды:

• Мурабаха моделі — ислам саудасында кеңінен қолданылатын әдіс;
• Өсімқорлық кіріс (риба) жоқ — пайда келісілген сауда үстемесі арқылы алынады;
• AJR компаниясының кірісі осы үстеме арқылы ғана қалыптасады;
• Кешіктірілген төлемдер үшін айыппұл немесе өсімақы жоқ;
• Барлық шарттар мен төлемдер клиентке алдын ала анық және ашық түрде ұсынылады;
• Келісім өз еркімен жасалады, ғарар (белгісіздік) және майсир (тәуекел/ойын) элементтері жоқ;
• Тексеру, келісу, биометрикалық растау және қол қою рәсімдері ислам этикасына сай жүргізіледі.


Стандарттарға сәйкестік
«AJR бөліп төлеу» өнімі келесі талаптарға сай келеді:

• AAOIFI шариғат стандарттары, нақтырақ айтқанда №8 – Мурабаха;
• Ислам елдеріндегі (OIC) алдыңғы қатарлы исламдық қаржы институттарының тәжірибесіне сай келеді.


AJR Шариғат кеңесі:

• Ахмад Абу Яхья – кеңес мүшесі
• Диас Молдабаев – кеңес мүшесі
• Куандық Уразбаев – кеңес мүшесі


Әділетті, ашық және халал қаржыландыруды таратуда Аллаһ Тағала жәрдемші болсын!